Sovsport.ru шарҳловчиси Евгений Ловчев Евро-2016 мусобақасида Гемрания терма жамоасининг қатнашувига шарҳ берди.
"Германия Гвардиола оммалиштираётган ўйин қурбони бўлди, аниқроғи, "Бавария"да, "Барселона"да оммалиштирган ўйини қурбони. Немислар ҳар доим "Барса" каби рақиб ҳимоясини ёриб ўтишга уринди. Аммо у ерда Месси, Неймар ва Суарес бор, уларнинг ҳар бири якка ҳолда ҳаммасини ҳал қилиб қўйиши мумкин.
Европа чемпионатида Германиянинг бундай ўйинчилари йўқ эди. Улар кўрсатган ўйинда, қанотлар жуда муҳим эди. Агар чапдан Дракслер бир хил ҳаракат қилаверган бўлса, ўнг қанотда Киммих жуда ёмон ўйнади.
Французларда эса, кўрдингиз, Жиру қандай югурди. Пайет қандай ҳаракат қилди. Ҳисоб 0:2 бўлганда Германия жонланди. Буни вақтлироқ қилиш керак эди. Ўхшамади. Нега? Чунки - Гвардиоланинг мероси. Шартли равишда айтганда у Германиянинг финалга чиқишига ҳалақит берди. Жамоа суст ўйин кўрсатди. Гол учун эмас, тўп назорати учун курашгандек кўринди", - дейди Ловчев.