6 – 9 август кунлари Тошкентда «CAFA Cup – U-19» - Марказий Осиё мамлакатлари футбол ассоциацияси кубоги мусобақаси ўтказилади.

Унда Тожикистон ёшлар терма жамоаси ҳам иштирок этади. «В» гуруҳида уларга Туркманистон (6 август) ва Эрон (7 август) ёшлари рақиб бўлишади. «А» гуруҳида Ўзбекистон, Афғонистон ва Қирғизистон ёшлари куч синашади.

Гуруҳ ғолиблари финалда мусобақанинг бош соврини учун кураш олиб боришади. Иккинчи ўринни эгаллаган жамоалар 3-ўрин учун, сўнгги ўринда қолганлар 5-ўрин учун беллашишади. «CAFA Cup – U-19» ўйинлари пойтахтнинг «Жар» ва «Пахтакор» стадионларида ўтказилади.