“Барселона” ярим ҳимоячиси Денис Суарес ўз жамоадошлари – Месси, Неймар ҳамда Луис Суарес ҳақида фикр билдирди.
“Мен худди отам сингари Роналдиньо иштирокидаги “Барселона” ўйинларини томоша қилиб катта бўлдим. Неймарнинг ўйини менга ёшлигимдаги Роналдиньони эслатади. У ҳам майдонда антиқа нарсаларни ишлатишни, дриблинг қилишни ва янги техник усулларни қўллашни ёқтиради.
Месси, албатта, ҳаммадан яхши ўйинчи ҳисобланади. Ҳеч қачон унга ўхшаш ўйинчини кўрмаганман. Барча рекордлар уники бўлса ҳам, Месси камтар, жамоа учун ўйнайди ва кундан-кунга кучли бўлиб бормоқда.
Менинг фамилиядошим Суарес эса, ҳақиқий тўпурар. У ўзи ўйнаган барча жамоаларда гол уришга муваффақ бўлган”, – деди Суарес.