Ўзбекистон терма жамоаси собиқ сардори Максим Шацких FootBoom'га берган интервьюсида якунига етаётган Евро-2016 борасида ўз хулосаларини билан ўртоқлашди.

"Ушбу Европа чемпионатида 24та жамоа иштирок этди. Назаримда, бу нарса футболнинг ривожланишига олиб келади. Ушбу мусобақада Европа грандлари курашга энди қўшилаётган жамоалар ҳам иштирок этишди. Испания ва Германия терма жамоалари бор маҳоратларини кўрсата олишмади. Уларда авлодлар алмашинуви рўй бермоқда.

Португалия секин старт олганига (гуруҳ босқичида 3та дуранг) ва ёрқин ўйин намойиш қилмаганига қарамай, финалгача етиб келди. Иккинчи финалчи — Франция терма жамоаси ҳам турнирда қийинчилик билан бошлади. Аммо Дешам шогирдлари ўз ўйинларини топиб олишди ва учрашувдан учрашувдан кучайиб боришди.

Муваффақиятсиз иштирок этган Украина терма жамоаси ҳақида алоҳида тўхталиб ўтиш керак. Назаримда, барча камчиликлар бирданига юзага келди. Натижада жамоа ишончсиз ўйин кўрсатди. Фақат иштиёқ орқали олдинга боришга рақиблар имконият бермади. Украина терма жамоасини ЖЧ-2018 саралаш баҳсларига тайёрлаш учун кўп вақт қолмади. Хорижлик мураббий қисқа вақт ичида украиналик футболчиларнинг имкониятларини ўрганишга улгурмайди. Шу боис, чет эллик мураббийга қийин бўлади. Йирик мусобақаларда Украина шарафини муносиб ҳимоя қиладиган футболчилар кўп эмас. Бу болалар футбол мактабларининг иши натижасидир. Футболчиларни  тайёрлаш бўйича иш олиб борилмоқда, аммо таълим жараёни тугагандан кейин уларга қаёққа ғойиб бўлишмоқда? Мана савол. Ўйлайманки, Украина футбол федерацияси терма жамоага муносиб мураббийни тайинлайди ҳамда терма жамоадаги ишлар жой-жойига қўйилади", — дейди Максим Шацких.