Қозоғистон футбол федерацияси (ҚФФ) президенти Ерлан Кожагапанов устидан ФИФА аҳлоқ қўмитасига шикоят келиб тушди, деб хабар бермоқда "Спорфакт".
18 май куни Кожагапанов Лига йиғилишига ўзбошимчалик билан ташриф буюриб, клуб раҳбарларини ташкилот раҳбари Олжас Абраевни истеъфога чиқариш ҳақидаги қарорини қўллаб-қувватлашга мажбурлаган. Бунда Кожагапанов ўтирганларни бўралаб сўккан, кимки уни қарори бўйича овоз бермаса прокурор текшируви ўтказиб, қаматиб юбориши ҳақида дўқ-пўписа қилган.
Шундан сўнг, бош прокуратура сайтида клубларни устидан ҳеч қандай текширув ўтказилмаслиги, бош прокурор эса ҚФФ раҳбари билан учрашмагани ҳақида хабар пайдо бўлган. Ўз навбатида йиғилиш видеоси интернет тармоғида тарқалиб кетган.
Агар ФИФА аҳлоқ қўмитаси шикоятни қаноатлантирса, у ҳолда Кожагапановга катта миқдорда жарима солинади ва футболдаги фаолиятдан четлатилади.
