Португалия яримҳимоячиси Андре Гомеш Францияга (1:0) қарши ўтказилган Евро-2016 финал ўйинидан сўнг ўз фикрларини билдириб ўтди. Ўйиннинг 25-дақиқасида Роналду жароҳат олиб, майдонни тарк этганди.
«Криштиану билан юз берган ҳодиса бизни карахт аҳволга солди. Биз уни майдонда қолишини кўпроқ кутган эдик, аммо унинг жароҳати бизни янада жипслаштирди, бор кучимизни сарфлаб ўйнашга ундади, диққат эътиборимизни жамлашга ёрдам берди.
Натижада биз асосий вақтда дурангга эришиб, қўшимча вақтда ғалабани илиб кетдик. Биз Криштианусиз ҳам рақибни мағлуб эта олдик, аммо уни етишмай турганини ҳар бир дақиқада ҳис қилиб турдик», — деди Гомеш ФИФА сайти хабарига кўра.
