1news.uz — Мағлубият ғалабанинг отаси ғам бўлиши мумкин экан… Футболга қизиқмайман, лекин Европа чемпионати финалининг сўнгги воқеалари маълум хулосаларни келтириб чиқарди.. Ҳаёт миллиардлаб одамлар интиқиб томоша қиладиган барча чемпионатлардан ҳам қизиқ экан: балким Криштиану Роналду ўйиннинг бошида оёғидан зарба олиб, стадионни тарк этмаганида Португалия ғолиб бўлмасмиди…
Фаранглар завқ билан ўйнаётган Роналдудан “илҳом” олиб, албатта, бир нечта гол урардилар, аслида акси чиқди: уни ҳайдаб чиқаришлари фарангларга қимматга тушди, чунки Рональдусиз улар русчаси айтганда “расслабились”. Бу енгилгина ғалаба сари йўлдек туюлди уларга, йўқ, бу балони бошланиши эди… Португалия футболчилари эса аксинча етакчисини йўқотишлари уларни бир аҳил жамоа, жипс оила бўлиб ўйинни олиб боришга МАЖБУРЛАДИ.
Инсонлар тақдири шундай бўларкан, ўшанда буюк ватандошимиз Равшан Эрматов ҳам оёғидан лат емаганида бугун олам таниган машҳур Ҳакам бўлмасди.. Қисмат қанақа бўлиши, мағлубиятдек кўринган ҳолат аслида ғалаба келтиришини фақат вақт кўрсатар экан… Магар биз билсак эди, агар биз тушунсак эди…
Муаллиф: Шерзод Қудратходжаев
