Шу йилнинг 10 сентябридан 1 октябригача Колумбияда бўлиб ўтадиган футзал бўйича Жаҳон чемпионатига тайёргарлик кўраётган Ўзбекистон терма жамоаси Тожикистон билан ўртоқлик учрашуви ўтказди.
Тошкентда учта назорат учрашуви ўтказиш бўйича эришилган келишувга кўра, 12 июль куни дастлабки ўйин бўлиб ўтди.
Хосе Мария Мендез бошчилигидаги футзал бўйича Ўзбекистон терма жамоаси ушбу ўйинда дуранг натижа қайд этди.
“Ўзбекистон” спорт мажмуасида бўлиб ўтган учрашув, 3:3 ҳисоби билан якунланди. Ўзбекистон терма жамоаси киритган голларга Раҳматов, Шавкатов ҳамда Усмонов муаллифлик қилган бўлсалар, Тожикистон терма жамоаси таркибида ҳаракат қилган Сардоров учта гол киритишга муваффақ бўлди.
Ушбу жамоалар ўртасидаги иккинчи учрашув, 13 июль куни 17:00да старт олади. Ушбу ўйин ҳам “Ўзбекистон” спорт мажмуасида бўлиб ўтади.
Ўртоқлик учрашуви
Тошкент, 12.07.2016
"Ўзбекистон" спорт мажмуаси
Ўзбекистон - Тожикистон 3:3
Голлар: А.Усмонов 7, Д.Раҳматов 8, Д.Шавкатов 27 - Ф.Сардоров 6, 16, 23
Ўзбекистон (биринчи бешлик): Акмал Хазратқулов, Тоҳир Абдураззоқов, Алишер Ибрагимов, Машраб Одилов, Илҳом Ҳамроев.
Захирадан тушганлар: Шавкат Ибрагимов, Дилшод Раҳматов, Дилмурод Шавкатов, Нодир Элибоев, Илҳом Ражабов, Саид Ризо Миршарофов, Алан Аминов, Дилшод Ирсалиев, Элдор Ҳошимов, Акбар Усмонов.
Тожикистон (биринчи бешлик): Фируз Бекмуродов, Дилшод Саломов, Мансур Мамедбабаев, Некруз Алиаҳмадов, Шавкат Халимов.
Захирадан тушганлар: Мурод Аликулов, Умед Мирзораҳимов, Мехрубони Тиллозода, Собиржон Гуляков, Фируз Сангов, Фирдавс Тусматов, Раҳмонали Шарипов, Умед Кузиев, Файзали Сардоров, Фируз Юсуфзода.
Огоҳлантиришлар: Д.Шавкатов 25 - Н.Алиаҳмадов 17, М.Аликулов 36
