Фарғонанинг “Нефтчи” жамоаси футболчилари иккинчи даврага тайёргарликни давом эттиришмоқда. Андрей Фёдоров шогирдлари Дукентдаги йиғинда машғулотларга зўр беришган. Машғулотлар 2 маҳалдан бўлиб ўтмоқда.

Мураббийлар штаби жамоани иккинчи даврага муносиб ҳозирлаш билан биргаликда, айрим чизиқларни маҳоратли ижрочилар билан тўлдиришни мақсад қилишган. Илк даврани “Бухоро” жамоаси сафида ўтказган Сардор Раҳмонов куни кеча фарғоналиклар сафига келиб қўшилди ва айни пайтда “Нефтчи” машғулотларида иштирок этаётганини айтиб ўтиш мумкин. Шунингдек, янги мавсумда Олий лига дебютанти бўлган ёшлар жамоамиз етачиси Ислом Тошпўлатов  Дукент йиғинига қўшилди. Илк давранинг дастлабки ўйинлари жароҳат олиб сафдан чиққан яна бир иқтидорли футболчи Дамир Низановнинг саломатли қониқарли даражада эканлигини айтиб ўтиш ўринлидир. Низанов ҳам йиғин жараёнида умумий гуруҳ билан бирга шуғулланишни бошлаб юборди.

Эслатиб ўтамиз, “Нефтчи”нинг Дукентдаги тайёргарлик жараёни 20 июлга қадар давом этади. Шу куни жамоа Тошкент шаҳрида “Бухоро”га қарши ўртоқлик ўйинида иштирок этади. Сўнгги назорат баҳси эса 23 июль куни “Пахтакор”га қарши ўтказилинади. Шундан сўнг “Нефтчи” Фарғонага қайтади ва “Бунёдкор” жамоаси билан бўлиб ўтадиган беллашувга Қиргулида тайёргарликни давом эттиради.