“Қўқон-1912” жамоаси аъзолари иккинчи даврага тайёргарликни Тошкент вилоятининг Чирчиқ шаҳрида олиб боришмоқда. Жамоада қандай ўзгаришлар бўлиши барча мухлисларни қизиқтираётгани аниқ.

Жамоамизни бир қатор футболчилар тарк этишди. Булар Наврўз  Алимов, Айбек Нурбаев, Алишер Зиявиддинов, Илья Ильин, Нодирбек Қўзибоев, Сардор Қохоров, Абдул-Азиз Юсупов, Ғайрат Ҳасанов. Биз бу футболчиларга жамоамиз билан бирга бўлганликлари учун жамоа раҳбарияти ва мухлислари номидан миннатдорчилик билдирамиз. Келгуси фаолиятларида омад тилаймиз.
Жамоамиз мураббийлар штаби 2-даврада юқори ўринлар учун курашадиган жамоа тузиш борасида тинмай изланмоқдалар. Иккинчи даврада жамоамизга бир қатор янги футболчилар келиши кўзда тутилган. Уларнинг айримлари жамоа кўригида иштирок этишаётган бўлса, айримлари билан музокаралар олиб борилмоқда. Бу футболчилар билан келишув амалга ошса биз сиз азиз мухлисларга хабар берамиз.

Яна бир муҳим янгилик. Агар музокаралар ижобий якунланса, жамоамизда Европа давлатларини биридан легионер футболчилар пайдо бўлади. Хуллас бизни кузатиб боринг ва жамоамиздаги сўнгги янгиликлардан бохабар бўлинг.