“Челси” клуби яримҳимоячиси Сеск Фабрегас "Манчестер Юнайтед" клубига ўтиши мумкин.

Daily Mirror хабарига кўра, 29 ёшли футболчи Лондон клубига Антонио Конте бош мураббий бўлгач, жамоани тарк этиш тараддудига тушиб қолган. Бундан ташқари, Н'Голо Канте, Ража Найнгголан, Андре Гомеш клубга келадиган бўлса, Фабрегас асосий таркибдан тушиб қолиши ҳам мумкин.

Юзага келган вазиятдан "Манчестер Юнайтед" бош мураббийи Жозе Моуриньо фойдаланиб қолиши мумкин. У Фабрегасни “МЮ”га таклиф қилиш имкониятини кўриб чиқмоқда.

Эслатиб ўтамиз, Фабрегас 2014 йилдан буён “Челси” таркибида ўйнамоқда. Ҳозиргача у 96 ўйинда майдонга тушиб, 11 гол урган.