Тошкент вилоятининг тоғли ҳудудида жойлашган “Ширинбулоқ” дам олиш масканида иккинчи давра баҳсларига қизғин тайёргарлик кўраётган “Оқ бўрилар” жамоаси футболчилари бугун – 14 июль куни олмалиқликларга қарши синов назорат учрашувида майдонга тушишади.
Ғузорликлар жамоасига вақтинчалик бош мураббийлик қилаётган Ихтиёр Каримов ушбу ўртоқлик ўйини орқали таркибга чақирилган бир қатор янги футболчиларни ҳам синовдан ўтказиб олишни режалаштирган. Бу ҳақда бироз кейинроқ батафсил маълумот берамиз.
Ҳозирча эса шуни айтиб ўтишимиз жоизки, “Шўртан” ҳамда “Олмалиқ” жамоалари ўртасидаги мазкур учрашув Чирчиқ шаҳридаги “Кимёгар” стадионида соат 17:30 бошланади.
