Ўзбекистон U-19 аёллар терма жамоаси Баку шаҳрида бўлиб ўтган ўртоқлик учрашувида Озарбайжон U-19 аёллар терма жамоасига 1:2 ҳисобида мағлуб бўлди.

U-19 ёшлар ўртасидаги Осиё Чемпионати саралаш баҳсларига тайёргарлик кўраётган Ўзбекистон U-19 қизлар терма жамоаси айни кунларда Озарбайжон пойтахти Баку шаҳрида навбатдаги ўқув-машғулот йиғинини ўтказмоқда.

Мазкур йиғин давомида Баҳром Норсафаров бош мураббийлигидаги терма жамоа Озарбайжон U-19 қизлар терма жамоасига қарши иккита ўртоқлик ўйинида майдонга тушиши режалаштирилган эди. Терма жамоалар ўртасидаги бўлиб ўтган илк ўйинда Ўзбекистон U-19 қизлар терма жамоаси озарбайжонлик тенгдошларига 1:2 ҳисобида мағлуб бўлишди. Ўзбекистон ёшлари таркибидаги ягона голга ўйиннинг 14-дақиқасида Мафтуна Шойимова муаллифлик қилган.

Режага кўра, терма жамоалар ўртасидаги иккинчи ўртоқлик ўйини 17 июль куни бўлиб ўтади.

Ўртоқлик учрашуви.

15 июль. Боқу, Озарбайжон.

Озарбайжон U-19 – Ўзбекистон U-19 - 2:1

Ўзбекистон U-19: 1. Мафтуна Жонимқулова, 22. Солиҳа Ҳусниддинова, 19. Шоҳида Тожиддинова, 18. Шаҳноза Шокирова, 11. Мафтуна Шойимова, 15. Умида Зоирова, 5. Мафтуна Панжиева, 21. Малика Бурханова (c), 9. Феруза Бобохўжаева, 20. Севара Нормуродова, 7. Шаҳноза Қурбонова.

Захира: 23. Сарвиноз Эргашева, 4. Мафтуна Жўраева, 3. Гулҳаё Маннабоева, 8. Сўғдиёна Алламуродова, 2. Нозима Камолтоева, 10. Муниса Ғиёсова, 14. Муҳаррамҳон Абдуллаева.