Бугун "Навбаҳор" жамоасининг Тошкент вилояти Бўстонлиқ туманида олиб борган йиғини ўз ниҳоясига етди.

Эрталабки машғулотлардан сўнг футболчиларга қисқа кунлик таътил берилди. 21 июльдан эса йиғин Тошкентда давом эттирилади. Айнан мазкур йиғин давомида жамоа таркибида ўзгаришлар кузатилади. Ҳозирча таркибга бошқа ҳеч ким қўшилганича йўқ. Айримлар қирғизистонлик Азамат Бойматов жамоага келади деса, баъзилар Саҳоб Жўраев, Ислом Исоқжонов таркибни тўлдиради, деган фикрда.

Тошкент йиғини мобайнида "Навбаҳор" 3 та ўртоқлик учрашувини ўтказиши режалаштирилган. 23 июль куни "Бухоро" билан, 26 июль санасида "Сўғдиёна" ва эртасига яна бир жамоа билан назорат учрашуви ташкил этилади.