«Бешиктош» ҳужумчиси Марио Гомес туркиялик клубни тарк этишини эълон қилди.

«Бу мен учун қийин қарор бўлди, у ҳақда яхшилаб ўйлаб кўрдим. Ажойиб клубни, ажойиб мухлисларни тарк этиш мен учун оғир. Клубни тарк этишим спортга боғлиқ сабаблар туфайли эмас. Балки сўнгги кунларда содир бўлган даҳшатли воқеалар сабабли. Умид қиламанки барча сиёсий муаммолар тез орада тинч йўл билан ҳал қилинади. Шундан сўнг яна «Бешиктош» таркибида ўйнашдан мамнун бўламан. Ишонаманки тез орада яна учрашамиз» - деб ёзди Гомес Facebook саҳифасида.

Эслатиб ўтамиз, 31 ёшли футболчи расман «Фиорентина» клубига тегишли.