Ўзбекистон терма жамоаси Австриянинг Вёргль шаҳрида Россия премьер-лигаси вакили «Уфа» клуби билан ўртоқлик ўйини ўтказди. Ўйин 2:2 ҳисобидаги дуранг натижа билан якунланди.
Учрашувнинг 2-дақиқасидаёқ рақиб ҳужумчиси Марсиньо ҳисобни очишга муваффақ бўлди. Шундан сўнг ҳамюртларимиз бироз ташаббусга эга бўлишди.
19-дақиқада бурчак зарбасидан оширилган тўпни Элдор Шомуродов яқин масофадан боши билан дарвозага йўллаб ҳисобни тенглаштирди. Орадан икки дақиқа ўтгач, Жамшид Искандеров чамаси 25 метр масофадан дарвоза томон кучли ва аниқ зарба йўллаб, чиройли гол муаллифи бўлди.
Иккинчи бўлим «Уфа» клубининг ташаббуси остида ўтди. 59-дақиқада Марсиньо пенальтини аниқ амалга ошириб, ҳисобни тенглаштирди. Шундан сўнг ҳар иккала жамоада яхшим имкониятлар бўлса-да ҳисоб ўзгармади.
Шу билан Ўзбекистон терма жамоасининг Австрия йиғини якунига етди. Энди футболчиларимиз Тошкентга қайтиб келишади ва 24 июль куни Ироқ терма жамоасига қарши ўртоқлик ўйинида иштирок этишади.
Уфа - Ўзбекистон 2:2 (1:2)
Голлар: Марсиньо (2, 59 пен.) - Элдор Шомуродов (19), Жамшид Искандеров (21)
«Уфа»: Шелия, Стоцкий, Тумасян (Никитин, 70), Васин, Сафрониди (Сухов, 70), Обляков (Слай, 70), Безденежних (Батютин, 70), Ванек (Засеев, 70), Марсиньо (Зубарев, 70), Кротов (Сысуев, 70), Диего
Ўзбекистон: Нестеров, Тожиев, Мерзляков, Шорахмедов, Искандеров, Сохибов, Шукуров, Андреев, Ахмедов, Каримов, Шомуродов.
