«Ростов» клубининг бош мураббийи Қурбон Бердиев эртага ўз лавозимини тарк этади, деб хабар бермоқда «Спорт-Экспресс».
Бердиев клуб раҳбарияти томонидан берилган ваъдаларни бажарилмай қолганидан норози бўлган. Хусусан, футболчиларнинг маоши бўйича қарзлар узилмаган. Чемпионлар лигасида иштирок этиш учун таркиб кучайтирилмаган. Асосий таркибнинг етакчи футболчилари билан шартномалар узайтирилмаган. Қурбон Бердиев бундай шароитда клубда ишлашдан бош тортмоқда.
Эслатиб ўтамиз, «Ростов» клуби Бердиев қўл остида ўтган мавсумда ўз тарихида биринчи марта чемпионатнинг кумуш медалларини қўлга киритганди. 28 июль ва 6 август кунлари ростовлик футболчилар Чемпионлар лигасида «Андерлехт» клубига қарши ўйнаши лозим.