"Барселона"нинг спорт директори Ариедо Брайда фикрича, клуб "Ювентус" яримҳимоячиси Поль Погба учун талаб қилинган пулларни бермаган бўлар эди.
"100 миллиондан ошиб кетган сумма ҳақида гапирганда, яхшилаб ўйлаб олиш керак. Баъзи клубларга телетрансляция ҳуқуқи катта пул келтиряпти, бу трансфер бозорини ўзгартиряпти.
Ҳозир барча футболчиларнинг баҳоси ошириб юборилгани аниқ. Погбани биламиз, у стабил ўйинлари билан ўз савиясини кўрсатган. "Барселона" унга қизиққан, аммо талаб қилинган суммадан сўнг, уни таклия қилмасликка қарор қилдик. Бу ерда фақат трансферни эмас, футболчининг маошини ҳам ўйлаш керак", - дейди Брайда.
