Иккинчи даврага тайёргарликни Наманганда давом эттираётган «Навбаҳор» ёшлари бугун Косонсой туманида ташкил этилган ўқув-машғулот йиғинини якунлашди.
Ёшларимиз вилоятимизнинг тоғли туманида машғулотларда иштирок этиш билан бир қаторда сўлим табиат қўйнида дам олиш имконига ҳам эга бўлишди. Ёш футболчиларимиз Косонсойдаги йиғин давомида биринчи лига вакили “Косонсой” жамоаси билан иккита назорат ўйинида майдонга тушишди. Дастлабки учрашувда 0:2 ҳисобида имконият бой берилган бўлса жавоб баҳсида ёшларимиз 6:0 ҳисобида ғалаба қозонишди. Айни пайтда мураббийлар бир қатор ёшларни синовдан ўтказаётганлигини айтиб ўтиш жоиз. Шу сабабдан иккинчи даврада таркиб анча ёшаради. Ёшларимиз навбатдаги назорат ўйинини 22 июль куни Андижонда “Андижон” ёшларига қарши ўтказишади.
