Ўзбекистон миллий терма жамоасининг йиғини яна бир ҳафтага узайтирилгани ҳақида хабар берган эдик. Бугун ана шу йиғиннинг сўнгги куни. Бугун кундузги машғулотда 16 нафар футзалчи иштирок этди. Улар:

Дарвозабонлар: Акмал Хазратқулов, Шавкат Ибрагимов, Равшан Элибоев.
Ўйинчилар: Дилшод Ирсалиев, Нодир Элибоев, Дилшод Раҳматов, Элдор Ҳошимов, Алишер Ибрагимов, Алан Аминов, Сирожиддин Маҳмудов, Машраб Одилов, Дилмурод Шавкатов, Илҳом Ражабов, Тоҳир Абдураззоқов, Саид Ризо Миршарофов, Акбар Усмонов.

Хосе Мария Мендез машғулотда тезкорлик билан ўйнаш, тезда қарор чиқариш каби жиҳатларга эътибор қаратди. Жамоа бугун кечки машғулотни ўтказгач йиғинга якун ясалади. Шундан сўнг, ўйинчиларга бир неча кун дам берилади.

Эслатиб ўтамиз, Ўзбекистон терма жамоаси 9 ва 10 август кунлари Олма-ота шаҳрида Қозоғистон терма жамоаси билан иккита ўртоқлик учрашуви ўтказади.