«Милан» ярим ҳимоячиси Риккардо Монтоливо жамоанинг янги бош мураббийи Винченцо Монтелланинг фаолиятидан қониқиш ҳосил қилмоқда.
31 ёшли футболчининг фикрича, италиялик мутахассис зарур тажрибага эга ва бутун жамоа қандай ҳаракат қилиши кераклигини билади.
«Монтелла, шубҳасиз, катта тажрибага эга ва биз қандай ҳаракат қилишимиз кераклиги борасида аниқ тасаввурга эга», — деди Монтоливо.
«У бизга тўпни назорат қилиш ва чизиқлар орасидаги ўйин каби нарсаларни имкон қадар тезроқ ўргатмоқчи», — деди футболчи.
«Бутун жамоа унинг кўрсатмаларини имкон қадар яхши ва тўлиқ бажаришга ҳаракат қилмоқда», — дея қўшимча қилди «Милан»нинг етакчи ярим ҳимоячиларидан бири.
