Фарғонанинг “Нефтчи” жамоаси бугун Тошкентнинг “Пахтакор” клубига қарши ўртоқлик баҳсида иштирок этади. Ўйин Тошкент шаҳридаги “Қибрай” стадионида соат 18:00да бошланиши режа қилинган.
Андрей Фёдоров шогирдлари бундан аввалги назорат беллашувида “Бухоро”га қарши рақобат олиб боришган эди ва ўша ўйинда бухороликларнинг (2:3) қўли баланд келганди.
Маълумот ўрнида, иккинчи даврани аввалида Акмал Холматов, (Истиқлол, Тожикистон) Сардор Раҳмонов,(Бухоро) Фурқат Ҳасанбоев (Қўқон-1912) ва Анвар Бердиев (Андижон) сингари футболчилар “Нефтчи” сафига қўшилди.
Эслатиб ўтамиз, фарғоналиклар мавсумнинг иккинчи даврасини ўз майдонларидаги учрашув билан бошлашади. “Нефтчи” жамоаси 3 август куни Тошкентнинг “Бунёдкор” жамоасини ўз уйида қабул қилади.
