"Наполи" ҳужумчиси Гонсало Игуаин "Ювентус" билан шартнома имзолаш учун тиббий кўрикдан ўтмоқда, дея хабар беради Sky Sport Italia.
Манбага кўра, тибий текширув Мадридда яширинча ўтказилган. Футболчи "Юве" билан тўрт йиллик шартнома борасида келишиб олган ва унга кўра йилига 7,5 миллион евро маош олади.
Тиббий кўрикнинг Мадридда ўтишига сабаб футболчининг акаси ва агенти Николас ўша ерда бўлиб турибди. Испания пойтахтига "Ювентус" бош директори Беппе Маротта ва спорт директори Фабио Паратичи етиб келишган.