«Палмейрас» ҳужумчиси Габриэль Жезус «Манчестер Сити»га ўтишга яқин турибди.
Манба маълумотларига кўра, Англия клуби яқин бир неча кун ичида футболчи билан шартнома имзолашни мақсад қилган. Мазкур трансфер «Манчестер Сити»га тахминан 32 миллион еврога тушади.
Тахминларга кўра, ҳужумчи Бразилия чемпионатининг жорий мавсуми якунига етгунига қадар «Палмейрас»да ижара асосида ўйнашда давом этади.
Футболчига, «Манчестер Сити»дан ташқари, унинг ҳамшаҳари «Манчестер Юнайтед» ҳамда Мадриднинг «Реал» жамоаси ҳам қизиқиш билдирган.