«Ювентус» ҳужумчи Гонсало Игуаиннинг тиббий кўрикдан ўтгани ҳақида «Наполи»ни хабардор қилди — аргентиналик футболчининг Туринга кўчиб ўтиши учун у тиббий кўрикдан ўтиши лозим эди.
«Ювентус» бош директори Беппе Маротта «Наполи» президенти Аурелио Де Лаурентис билан телефон орқали суҳбатлашган.
Игуаиннинг шартномаси товон пули 94 миллион евро қилиб кўрсатилган. Шунча пул тўлашга тайёр турган клуб футболчини тиббий кўрикдан ўтказишга ҳақли.
Аввалроқ футболчи «Ювентус» билан тўрт йиллик шартнома борасида келишиб олгани маълум бўлган эди.
