«Лацио» ярим ҳимоячиси Антонио Кандрева «Интер»га ўтиши мумкин.
Милан клуби спорт директори Пьер Аузилио Италия терма жамоасининг 29 ёшли футболчиси агенти билан учрашган ва музокаралар анча олдинга силжиган.
Энди «Интер» Кандрева учун «Лацио» сўраётган 25 миллион еврони тўлашга тайёрлигини маълум қилди.
Аввалроқ Кандревага «Атлетико», «Наполи», «Милан» ва «Челси» жамоалари ҳам қизиқиш билдираётгани ҳақида хабарлар пайдо бўлган эди.