«Навбаҳор» Тошкент шаҳрида иккинчи даврага жиддий ҳозирлик кўрмоқда. Кеча дастлабки назорат учрашувида «Бухоро» таслим қилинди. Дарвоқе, жамоамизнинг собиқ вакили саналган Отабек Валижонов «Бухоро» машғулотларида иштирок этмоқда ва кеча «Навбаҳор»га қарши ўйинда майдонга тушган. Эшитишимизча, Валижонов кўҳна шаҳар жамоаси билан келишувга эришган.
«Навбаҳор» таркибига шу кунларда 6 нафар футболчи қўшилади. «Олмалиқ»дан Саидкомил Акбаров ва Руслан Вагапов, маҳаллий ўйинчи Аюбхон Гаппаров ҳамда уч нафар легионер - Ж.Сангаджиев, Г.Армандо ва номи ошкор қилинмаган футболчи шулар жумласидандир.
