«Бухоро» жамоаси яна бир футболчини ўз сафига қўшиб олди. БАА про лигаси вакили «Ал Шааб» клубида фаолият юритиб келган ҳимоячи Шавкат Муллажонов «Бухоро» билан шартнома тузди.

Шавкат Муллажоновнинг Ўзбекистон миллий терма жамоаси таркибидаги ёрқин ўйинлари, ҳимоядаги ишончли ҳатти-ҳаракатларини мухлислар ҳали унутишгани йўқ. Миллий терма жамоа таркибида 2010 йил Албанияга қарши баҳсда дебют қилган Муллажонов, тезда асосий таркиб футболчиси эканлигини намоиш этди ва 2015 йилгача миллий жамоамизнинг энг асосий фигураларидан бири сифатида фаолият юритди.

Ўзбекистон миллий терма жамоаси сафида ҳозирги кунга қадар жами 35 та учрашувда иштирок этган Шавкат Муллажонов, клублардаги фаолияти давомида турли совринларни ютган.

Ютуқлари:

Саудия Арабистонининг “Ал-Наср” жамоаси таркибида 2012 йилда Қирол кубоги соҳибига айланган.

2014 йилги мавсумда Тошкентнинг “Локомотив” жамоаси таркибида кумуш медаль соҳиби.

2014 йилги мавсумда Тошкентнинг “Локомотив” клуби билан Ўзбекистон кубоги ғолиблигини қўлга киритган.