“Насаф” футбол клуби давралар оралиғида ўз таркибига қўшиб олган янги футболчиларни кенг оммага расман таништирув маросимини ўтказади.

Тадбир эртага, 27 июл куни “Марказий” стадион фойесида соат 10:00да бошланади. Унда “аждарлар”нинг янги футболчилари – Фозил Мусаев, Шаҳбоз Эркинов, Игорь Голбан, Огнен Красич ва Драган Херан ОАВ вакилларига расман таништирилади.

Шунингдек, клуб раҳбарияти томонидан “Насаф”нинг янги футболчиларига улар учун аталган футболкалар ҳам тантанали равишда топширилади.

Таништирув маросимига турли йўналишларда ижод қилаётган оммавий ахборот воситалари журналистларини таклиф этамиз.