"Навбаҳор" давралар оралиғидаги тайёргарлик доирасида "Сўғдиёна" клуби билан ўзаро назорат ўйинини ўтказди. "Дўстлик" ўйингоҳида кечган беллашув Даврон Файзиев шогирдларининг иродали ғалабаси билан якун топди.
Дастлаб Равшан Бозоров бошчилигидаги "лочинлар" учрашувда тезкор гол уришга муваффақ бўлишди. Абдумалик Абдуллаев учрашувнинг учинчи дақиқасидаёқ жиззахликлар дарвозасини ишғол этишни уддалади. Аммо кейинчалик "Сўғдиёна" ҳисобдаги мувозанатни тиклади. Биринчи бўлимгача шу ҳисоб сақланиб қолди.
Иккинчи бўлимда рақиб Акмал Ортиқов қўриқлаган дарвозага икки маротаба гол уришга муваффақ бўлди. Шу тариқа "Сўғдиёна" назорат учрашувида жамоамиз устидан ғалабага эришди. Эртага "NBU-Осиё" жамоаси билан ҳам жамоамизнинг навбатдаги назорат ўйини бор.
«Навбаҳор» - «Сўғдиёна» - 1:3
"Навбаҳор" учрашувни қуйидаги таркибда бошлади: Артур Парванов, Мурод Тўйчибоев, Дилшод Жабборов, Қаҳрамон Маҳаммаджонов, Тоҳир Шамситдинов, Аъзам Алиев, Азиз Турғунбоев, Ислом Исоқжонов, Алишер Маҳмудов, Абдумалик Абдуллаев, Владислав Алексин.
Захирадан майдонга тушганлар: Акмал Ортиқов, Доржи Сангажиев, Ғайрат Жўраев, Шохжаҳон Аббосов, Ҳожиакбар Юнусов, Билол Шарофиддинов.
