«ПСЖ» ярим ҳимоячиси Хавьер Пасторе унга Италия ёқишини тан олди, бироқ «ПСЖ»ни тарк этмоқчи эмаслигини маълум қилди.
Аргентиналик 27 ёшли футболчининг фикрича, у «Палермо»да ажойиб йилларни ўтказган, бироқ Парижда ўзини худди Худодек ҳис қилади.
«ПСЖ»га ўтаётган вақтимда ҳеч қанақасига шубҳаланиб ўтирмаганман. Ҳа, «Ювентус» менга қизиқиш билдирди ва бундай катта клублар томонидан қизиқиш бўлиши кишига ёқади. Боз устига, эртага нима бўлишини ҳеч қачон олдиндан билмайсан. Балки декабрга бориб, «ПСЖ»га керак бўлмай қоларман», — деди Пасторе.
«Вақт бўлса, мен «А» Сериянинг кўплаб учрашувларини томоша қиламан. Мен Италияда ажойиб йилларни ўтказганман ва у ердаги фаолиятимдан унутилмас хотиралар қолган. Бироқ, Италияни ҳар қанча севмай, Парижда ўзимни худди Худодек ҳис қиламан», — дея қўшимча қилди аргентиналик футболчи.