Бугун "Дўстлик" стадионида "Навбаҳор" ҳамда Жиззахнинг "Сўғдиёна" жамоалари ўртасида назорат учрашуви бўлиб ўтди.

Учрашув "лочинлар"нинг ташаббуси билан бошланди. Эндигина иккинчи дақиқа якунланиб бораётган бир паллада Абдумалик Абдуллаев рақиб дарвозасини ишғол қилиб, "Навбаҳор"ни ҳисобда олдинга олиб чиқади. Аммо бир неча дақиқалардан сўнг Даврон Файзиев шогирдлари Артур Парванов дарвозасига йўл топишиб, ҳисобни тенглаштиради. Дастлабки бўлим 1:1 ҳисоби билан якунланди.

Иккинчи бўлим жиззахликлар назорати остида ўтганлигини айтиш жоиз. «Сўғдиёна» футболчилари бўлим давомида икки бор «Навбаҳор» дарвозасини ишғол қилишиб, якуний ҳисобни ўрнатди - 1:3.

Шундай қилиб, вакилларимиз иккинчи учрашувда мағлубиятга учради. 


26.07.2016. 18:00
"Навбаҳор"-"Сўғдиёна" 1:3
Голлар: Абдумалик Абдуллаев - Жамшид Ҳасанов, Музаффар Музаффаров, Раббим Ҳасанов
"Навбаҳор": Артур Парванов, Мурод Тўйчибоев, Дилшод Жабборов, Қаҳрамон Маҳаммаджонов, Тоҳир Шамсиддинов, Аъзам Алиев, Азиз Турғунбоев, Ислом Исоқжонов, Алишер Маҳмудов, Абдумалик Абдуллаев, Владислав Алексин.
Захирадан тушганлар: Акмал Ортиқов, Доржи Сангажиев, Ғайрат Жўраев, Шохжаҳон Аббосов, Ҳожиакбар Юнусов, Билол Шарофиддинов.
"Сўғдиёна": Музаффар Абдуллаев, Қаҳрамон Баҳодиров, Мурод Холмуҳаммедов, Акмал Холмуродов, Сарвар Жўраев, Сарваржон Холматов, Музаффар Музаффаров, Раббим Ҳасанов, Жамшид Ҳасанов, Алсалому Азатов, Акмал Абдураҳмонов.