ЕВРО-2016 ТЕХНИК СТАТИСТИКАСИ. Португалия терма жамоасининг Европа чемпиони бўлиши учун 9та гол кифоя қилди. Бу турнирдаги 3-4-яхши натижадир. Энг сермаҳсул жамоа - Франция термаси эса 7та ўйинда 13та гол ҳосил қилди. Украина термаси мусобақани голсиз тарк этган ягона иштирокчидир. Дарвоза томон зарба йўллаш бўйича Криштиану Роналду яққол пешқадамлик қилган бўлса, аниқлик бобида Гарет Бэйлга тенг келадигани топилмади. Тўпни назорат қилишда немислар энг яхши кўрсаткичга эришдилар, исландлар аксинча, бу масалада энг паст статистика билан ҳам чемпионатнинг бош шов-шувчисига айландилар. Французлар 5 марта ғалаба нашидасини суришди, португаллар 4та ўйинда дуранг билан чекланишди, 6та жамоа эса ютуқ нималигини билмади. Агар Евро-2016нинг шу каби техник кўрсаткичларига қизиқсангиз, марҳамат, уларнинг яхлит тўпламига эътибор қаратишингиз мумкин.

Энг кўп ғалаба қозонган жамоа: 5та - Франция

Энг кўп дуранг қайд этган жамоа: 4та - Португалия

Ғалаба қозонмаган жамоалар: 0 - Австрия, Россия, Руминия, Украина, Швеция, Чехия

Энг кўп гол урган жамоа-лар: 13та - Франция; 10та - Уэльс; 9та - Португалия, Бельгия; 8та - Исландия

Гол урмаган ёки энг кам гол урган жамоалар: 0 - Украина; 1 - Австрия, Албания, Швеция

Жарима майдони ичидан гол уриш бўйича етакчи жамоалар: 10та - Франция; 8та - Исландия; 7та - Португалия, Уэльс. Украина ва Швеция терма жамоалари вакиллари жарима майдони ичидан гол уришмади

Жарима майдони ташқаридан гол уриш бўйича етакчи жамоалар: 3та - Франция, Бельгия, Венгрия. 15татерма жамоа вакиллари жарима майдони ташқаридан гол уришмади

Чап оёқда гол уриш бўйича етакчи жамоалар: 7та - Франция; 6та - Уэльс; 3та - Бельгия, Венгрия, Германия. 9та терма жамоа вакиллари чап оёқда гол уришмади

Ўнг оёқда гол уриш бўйича етакчи жамоалар: 6та - Исландия; 5та - Италия; 4та - Англия, Бельгия. 6та терма жамоа вакиллари ўнг оёқда гол уришмади

Бош билан гол уриш бўйича етакчи жамоалар: 5та - Франция; 3та - Португалия. 11та жамоа вакиллари бош билан гол уришмади

Пенальти орқали гол уриш бўйича етакчи жамоа: 2та - Руминия

Энг кўп сариқ карточка олган жамоалар: 18та - Италия; 13та - Франция, Португалия; 12та - Венгрия, Исландия

Энг кам сариқ карточка олган жамоалар: 2та - Россия; 3та - Англия; 4та - Швеция

Энг кўп қизил карточка олган жамоалар: 1та - Австрия, Албания, Ирландия

Энг кўп бурчак зарбаси тепган жамоалар: 50та - Португалия; 48та - Франция; 41та - Бельгия, Германия

Энг кам бурчак зарбаси тепган жамоалар: 9та - Словакия, Туркия, 10та - Руминия, 11та - Австрия

Энг кўп «пас» узатган жамоалар: 4020та - Германия (90 фоиз аниқ); 3633та - Португалия (86 фоиз аниқ); 3519та - Франция (88 фоиз аниқ)

Энг кам «пас» узатган жамоалар: 920та - Ш.Ирландия (70 фоиз аниқ); 951та - Чехия (78 фоиз аниқ); 1039та - Руминия (77 фоиз аниқ)

Тўпга эгалик қилиш бўйича етакчи жамоалар (фоиз ҳисобида): 63 - Германия; 61 - Испания; 59 - Англия

Тўпга эгалик қилиш бўйича мақтанолмайдиган жамоалар (фоиз ҳисобида): 36 - Исландия; 37 - Ш.Ирландия; 42 – Албания

Футболчилар

Тўпурарлар: 6та - Антуан Гризманн (Франция, 1 - пен.); 3та - Гарет Бэйл (Уэльс), Оливье Жиру (Франция), Криштиану Роналду (Португалия), Альваро Мората (Испания), Нани (Португалия), Димитри Пайе (Франция)

Ассистентлар: 4та - Эден Азар (Бельгия), Аарон Рэмси (Уэльс); 3та - Криштиану Роналду (Португалия)

Дарвоза томон аниқ зарбалар бўйича етакчилар: 16та - Гарет Бэйл (Уэльс); 14та - Антуан Гризманн (Франция); 12та - Криштиану Роналду (Португалия)

Дарвоза томон ноаниқ зарбалар бўйича етакчилар: 17та - Криштиану Роналду (Португалия); 11та - Нани (Португалия); 10та - Аркадиуш Милик (Польша)

Сариқ карточкалар бўйича етакчилар: 3та - Бартош Капустка (Польша), Н~Голо Канте (Франция), Уильям Карвалью (Португалия). Жами 205та сариқ карточка кўрсатилди.

Қизил карточкалар бўйича етакчилар: 1та - Лорик Цана (Албания), Александр Драгович (Авс-трия), Шейн Даффи (Ирландия)

Бошқаларга нисбатан энг кўп қўполлик содир этган футболчилар: 15 марта - Жоау Мариу (Португалия); 14 марта - Арон Гуннарссон (Исландия); 13 марта - Грациано Пелле (Италия); 12 марта - Альваро Мората (Испания)

Қўполликдан энг кўп жабр чеккан футболчилар: 18 марта - Гжегож Криховяк (Польша); 16 марта  - Роберт Левандовски (Польша); 15 марта - Дарио Срна (Хорватия)

Энг кўп «пас» оширган футболчилар: 653та - Тони Кросс (Германия, 608таси аниқ, 93 фоиз); 438та - Жером Боатенг (Германия, 399таси аниқ, 91 фоиз); Поль Погба - 433та    (Франция, 389таси аниқ, 88 фоиз)

Чап оёқда гол уриш бўйича етакчи футболчилар: 4та - Антуанн Гризманн (Франция); 3та - Гарет Бэйл (Уэльс)

Ўнг оёқда гол уриш бўйича етакчи футболчилар: 2та - Нани (Португалия), Грациано Пелле (Италия), Кольбейн Сигторссон (Исландия), Ража Наингголан (Бельгия), Богдан Станку (Руминия)

Бош билан гол уриш бўйича етакчи футболчилар: 2та -Антуан Гризманн (Франция), Оливье Жиру (Франция), Криштиану Роналду (Португалия)

Пенальти орқали гол уриш бўйича етакчи футболчи: 2та - Богдан Станку (Руминия)

Жарима майдони ташқарисидан гол уриш бўйича етакчи футболчилар: 2та - Гарет Бэйл (Уэльс), Ража Наингголан (Бельгия), Димитри Пайе (Франция), Балаж Жужак (Венгрия)

Жарима майдони ичидан гол уриш бўйича етакчи футболчилар: 5та - Антуан Гризманн (Франция); 3та - Криштиану Роналду (Португалия), Оливье Жиру (Франция), Альваро Мората (Испания), Нани (Португалия)

Гол урган энг «кекса» футболчи: Золтан Гера (Венгрия), Португалия термасига қарши баҳсда, 37 ёшу 61 кунлик

Гол урган энг ёш футболчи: Ренату Саншеш (Португалия), Польша термасига қарши баҳсда, 18 ёшу 317 кунлик

Энг кўп «сейв» қилган голкиперлар: 27 марта - Ханнес Халльдорссон (Исландия); 20 марта - Руи Патрисиу (Португалия), Тибо Куртуа (Бельгия)

УМУМИЙ КЎРСАТКИЧЛАР

Амалга оширилган пенальтилар сони: 8та

Амалга оширилмаган пенальтилар сони: 4та

Энг кўп томошабин кирган ўйин: Франция - Исландия, 76 833

Энг кам томошабин кирган ўйин: Россия - Уэльс, 28 840

Энг кўп ўйин бошқарган ҳакамлар: 4та - Марк Клаттенбург (Англия), Никола Риццоли (Италия), Дамир Скомина (Словения). 9 нафар ҳакам 3тадан, яна 6 нафари 2тадан ўйин бошқарди

Автогол: 3та - Киран Кларк (Ирландия), Гарет Макаули (Ш.Ирландия), Биркир Севарссон (Исландия)

Сариқ карточка кўрсатилмаган ўйин: Ш.Ирландия - Германия

Энг кўп сариқ карточка кўрсатилган ўйин: Португалия - Франция, 10та

Голлар хронометражи

Дақиқалар               Голлар сони

1-15                                        13та

16-30                                      8та

31-45                                      20та

Қўшимча вақт (1-бўлим)   1та

46-60                                      21та

61-75                                      15та

76-90                                      9та

Қўшимча вақт (2-бўлим)   9та

«Овертайм»                         2та

Жами:   108та

Фаррух Файзиев тайёрлади