Ҳиндистоннинг Гоа шаҳрида шу йилнинг 15 сентябрида старт оладиган ўсмирлар ўртасидаги Осиё чемпионатига тайёргарлик кўраётган Ўзбекистон ўсмирлар терма жамоаси, бугун – 27 июль куни Уммон ўсмирларига қарши иккинчи ўртоқлик учрашуви ўтказди.
Тошкентдаги йиғин давомида Уммон ўсмирлари билан иккита ўйин ўтказиш режалаштирилганди.
“Жар” стадионида, 25 июль куни бўлиб ўтган дастлабки ўйинда Темур Олимхўжаев шогирдлари йирик – 4:1 ҳисобида ғалаба қозонган эди.
Бугун ҳам учрашув “Жар” стадионида ўтказилади ва 18:00да старт олади.
Эслатиб ўтамиз, Ўзбекистон ўсмирлар терма жамоаси Осиё чемпионатига финал босқичига ташланган қуръа натижасига кўра КХДР, Таиланд ҳамда Яман жамоалари билан бир гуруҳдан ўрин олган.
Олимхўжаев шогирдлари турнирни 17 сентябрь куни Таиландга қарши ўйин билан бошлайди. 20 сентябрда Яман ва 23 сентябрь куни эса КХДРга қарши майдонга тушади.
