«Валенсия» ва Португалия терма жамоасининг яримҳимоячиси Андре Гомеш «Барселона» клубига ўтиш ҳақидаги қарорига изоҳ берди. Унинг трансфери 35 миллион еврони ташкил қилганди.
«Ажойиб клубга ўтганимдан хурсандман. Умид қиламанки, бу ерда мени ёрқин воқеалар кутмоқда. Мен бахтлиман ва тўғри қарор қабул қилдим деб ҳисоблайман. Кундан-кунга ўйинимни яхшилаб боришга, клубга катта фойдам тегишига умид қиламан. Доим қунт билан ишлайман ва жамоадошларимга кўмак бераман. «Барселона»нинг мақсади – барча совринларни ютиб олиш, бундан бошқача бўлиши мумкинмас. Умид қиламанки, бу мақсадга эришамиз» - деди Андре Гомеш AS хабарида.
