Дортмунднинг «Боруссия» клуби ҳужумчиси Пьер-Эмерик Обамеянг матбуотда у ҳақда пайдо бўлган хабарларни рад этиб чиқди.
«Салом, журналистлар. Масалага шунчаки ойдинлик киритиб қўймоқчиман. Ҳаммаёқда «мени Дортмунддан фақат «Реал» олиб кетиши мумкин»лиги ҳақида хабарлар чиқиб кетган. Бироқ мен бу гапларни айтмаганман. Ким менинг номимдан ёлғон тарқатганини ҳам билмайман. Одамлар нима хоҳласа шуни қилишидан афсусдаман», — деб ёзди футболчи Twitter’даги саҳифасида.
«Мен Дортмунднинг «Боруссия» клуби футболчисиман. Мен барча интервьюларимда самимий бўлганман ва «Реал»га ўтиш болалигимдан бери орзу эканини айтганман. Бундан ортиқ гап йўқ. Раҳмат», — деб қўшимча қилди габонлик футболчи.