2009 йил баҳорида норвегиялик ҳакам Том Эвребе Чемпионлар лигаси яримфиналидан ўрин олган «Челси» - «Барселона» ўйинида ишлади. 1:1 ҳисобида якунланган беллашув давомида у «Барселона» дарвозасига бир нечта пенальтини белгиламади, натижада Каталония клуби финалга йўл олди. Орадан 7 йил ўтгач Эвребе ўйиндаги ҳаракатларига изоҳ берди.

«Ўйиндан олдин ва ўйин пайтида асабийлашганим йўқ. Фақат бир қанча нотўғри қарорларни қабул қилдим. Майдонда нотўғри ўрин танлаганим менга панд берди. «Челси» мени 6 ёки 7та пенальтини тайинламаганликда айблади, менимча унчаликмас эди. Албатта ҳар бир ҳакамда қийин ўйинлар, нотўғри қарорлар, омадсиз кунлар бўлиб туради. Бу ўйин мен учун шундайлардан бири эди. Баъзилар мени «Барселона»дан пора олганликда айблашди, аммо ундай эмас. Мен нотўғри қарорларни қабул қилдим холос» - деди Эвребе.