«Севилья» ярим ҳимоячиси Коке фаолиятини Германия чемпионатида давом эттиради. Бу ҳақда «Шальке» клуби матбуот хизмати хабар берди.
Испаниялик 29 ёшли футболчи тиббий кўрикдан муваффақиятли ўтди ва шундан сўнг «Шальке» унинг ўтиши ҳақида расман эълон қилди.
Аввалроқ футболчининг трансфери 3—5 миллион евро оралиғида бўлиши ҳақида хабар берилган эди.
Коке 2011 йилдан бери «Севилья» шарафини ҳимоя қилиб келаётган эди. Бундан аввал у «Райо Вальекано»да тўп сурган.
Футболчи Испания чемпионатининг сўнгги мавсумида «Севилья» сафида 21 учрашувда майдонга тушиб, битта гол урган эди.
