"Манчестер Юнайтед" сардори Уэйн Руни "Ювентус" яримҳимоячиси Поль Погбанинг жамоага келиши ҳақида фикр билдирди.
"Погбанинг "МЮ"даги машғулотларини эслаганда нима биринчи кўз олдимга келади? Оёқдаги зарбадан қолган кўкимтир излар. У машғулотларда ҳам унга қарши ўйнаш қийин бўлган ўйинчи эди. Бир тиззасига уриласан ёки у сени устингдан босиб ўтиб кетади. У буни атай қилар эди деб ўйламайман, бу шунчаки содир бўлар эди.
Умуман олганда у иқтидорли футболчи, клубимизни тарк этганидан кейин жуда кучайди. Поль "Юнайтед"га қайтиб, ўз иқтидорини намойиш этади деб ўйлайман", - дейди Руни.
