Иккинчи давранинг дастлабки турида "Локомотив" ўз майдонида Наманганнинг "Навбаҳор" жамоасини қабул қилади.

3 август (чоршанба) 20:00
«Локомотив» – «Навбаҳор»
Ҳакамлар: Б. Намозов (Тошкент), Р. Серазетдинов (Тошкент), Т. Гайнулин (Тошкент), А. Эргашев (Тошкент)
Назоратчи: А. Арутюнов (Тошкент).
ЎзПФЛ вакили: Г. Ртвеладзе.

“Навбаҳор” ҳамда “Локомотив” олий лигада жами 23 бора тўқнаш келишган. “Локомотив” 12 марта, “лочинлар” 7 марта ғолиб чиққан, 4та баҳсда дуранг натижаси қайд этилган. Тўплар нисбати “Локомотив” фойдасига 38:34 ни ташкил қилмоқда. Ўзаро ўйинларда “Локо” 40, “Навбаҳор” 25 очкони қўлга киритган.

“Навбаҳор”нинг “Локомотив” устидан қозонган йирик ғалабаси – 6:2. “Темирйўлчилар”нинг ўзаро ўйинларда наманганликлар устидан қозонган энг йирик ғалабаси эса - 5:1.

Биринчи даврада Наманганда ўтган учрашувда дарвозаларга беш марта гол киритилди. Якунда эса "темирйўлчилар" 3:2 ҳисобида ғалаба қозонганди.

Тошкентда ўтган сўнгги беш учрашув:
01.07.2015 «Локомотив» - «Навбаҳор» 5:1
04.08.2014 «Локомотив» - «Навбаҳор» 2:0
03.11.2013 «Локомотив» - «Навбаҳор» 3:0
25.10.2012 «Локомотив» - «Навбаҳор» 3:0
24.04.2010 «Локомотив» - «Навбаҳор» 1:3


Ўзаро ўйинлар ҳақида факт: “Локомотив” ўз майдонида бўлиб ўтган 11та ўйиннинг 8тасида ғолиб чиққан. Икки марта ғолиб аниқланмаган бўлса, “Навбаҳор” сафарда фақат бир бор муваффақият қозонган. 2010 йилги мавсумда “лочинлар” Тошкентдан 3:1 ҳисобидаги ғалаба билан қайтишган. Охирги 4 йилда “Навбаҳор” сафарда бу рақибга фақат мағлуб бўлган.