Бугун мамалакатимизнинг тўртта шаҳрида Ўзбекистон аёллар футболи ассосацияси томонидан ташкил этилаётган, II Республика “Яшил майдон маликалари” футбол мусобақаси бошланади.

Ушбу мусобақа низомига кўра, мазкур футбол мусобақаси иштирокчилари биронта олий лига ёки биринчи лига жамоаларида қайд этилмаган футболчилар бўлиши шарт. Мусобақа иштирокчиларининг ёши ҳам 17-30 қилиб белгиланган.

Кўриниб турибдики, мусобақа ўтказилишидан асосий мақсад, хотин-қизлар ўртасида соғлом турмуш тарзини тарғибот қилиш ва уларни оммавий спорт турига жалб этишдан иборат.

“Яшил майдон маликалари” футбол мусобақаси тақвими қуйидагича.

2 август куни мусобақа ишитрокчиларини рўйхатга олиш ва қуръа ўтказилади.

1-минтақа – Жиззах, Тошкент шаҳри, Тошкент ва Сирдарё вилоятлари жамоалари ўртасида

2 – 6 август кунлари Жиззах шаҳрида.

2-минтақа – Наманган, Андижон, Фарғона вилоятлари жамоалари ўртасида

2 – 5 август кунлари Наманган шаҳрида.

3-минтақа – Самарқанд, Навоий, Қашқадарё, Сурхондарё вилоятлари жамоалари ўртасида

2 – 6 август кунлари Самарқанд шаҳрида.

4-минтақа – Қорақалпоғистон Республикаси, Бухоро, Хоразм вилоятлари жамоалари ўртасида

2 – 5 август кунлари Нукус шаҳрида.

Қизлар ўртасидаги футбол бўйича “Яшил майдон маликалари” футбол мусобақаси ФИНАЛи 17-19 августкунлари Навоий шаҳрида бўлиб ўтади.

17.08.2016 – Минтақалар ғолиблари учун ваколатли ҳайъат йиғилиши

18.08.2016 – Ярим финал учрашувлари: 1-4, 2-3

19.08.2016 – 3-ўрин учун, ФИНАЛ учрашуви ва тақдирлаш маросими.