"Шальке" яримҳимоячиси Лерой Сане "Манчестер Сити" билан 4 йиллик шартнома имзолади.
Bild хабарига кўра, Германия терма жамоасининг 20 ёшли футболчисининг Англия клуби сафидаги йиллик маоши 6 миллион еврони ташкил қилади.
"Сити" Сане учун 49 миллион евро ва яна 6 миллион евро қўшимча бонус тўлайди.
Шу тариқа Сане немис футболи тарихида энг қиммат футболчига айланди.
"Шальке" спорт директори Кристиан Хайдель бу маълумотларни тасдиқлади.
"Сити" билан келишиб олдик. Менга маълум бўлишича, Сане тиббий кўрикдан ўтиб бўлган. Бир икки майда деталлар қолди, шундан сўнг Англия клуби бизни хабардор қилади", - дейди Хайдель.