«Бавария» клубининг бошқарув раиси Карл-Хайнц Румменигге баъзи ёш футболчиларнинг трансфер нархи жуда катта эканлиги ҳақидаги фикрларга қўшилмаяпти. Хусусан, «Бенфика»дан келган Ренату Саншеш учун 35 миллион евро, «Манчестер Сити»га ўтган Лерой Сане учун 55 миллион евро тўланиши уни ҳайратга солмаяпти.
«Албатта бундай трансферлар катта таваккалчилик билан боғлиқ. Барча клублар бундай футболчиларни излашади. Агар биз Саншешни Евро-2016дан олдин харид қилмаганимизда, мусобақадан кейин бизда ҳеч қандай имконият бўлмасди. Саншеш учун катта маблағ тўлашга қодир бўлганимиздан хурсандман. Умид қиламанки у бизга кўп қувончли лаҳзаларни тақдим қилади» - деди Румменигге DPA хабарида.
