Бугун “Локомотив” жамоасининг 2006 йилда туғилган ёшлари Латвиянинг Лиепая шахрига “Dobrecova Cup 2016” мусобақасида иштирок этиш учун учиб кетади.

2010 йилдан бери анъанавий тарзда ўтказилиб келаётган ушбу мусобақага бу йил Эркин Саидов бошчилик қилаётган “Локомотив” футбол мактаби ҳам таклифнома олди. Бу Латвияда бўлиб ўтадиган мусобақа “Локомотив” футбол мактаби учун биринчи марта Европа эшикларини очмоқда. Бунга қадар ёшларимиз Туркия, Россия, Корея давлатларида бўлиб ўтган турнирларда фахрли ўринларни олиб юртимизга қайтишган.

“Dobrecova Cup 2016” мусобақасида Ўзбекистондан “Локомотив”, Латвиянинг кучли 13 жамоаси, Литва, Белоруссия, Польша, Эстония, Россия клублари иштирок этадилар.

“Локомотив 2006” мусобақада Суннат Рўзиев бошчилигида икки таркиб билан иштирок этади. Ёш “темирйўлчилар” 5 август куни гурух босқичида ўз иштирокларини бошлайдилар.

А гурухи
“Локомотив 1” (Ўзбекистон)
“Лиепая 1” (Латвия)
“Тукумс” (Латвия)
“Бениаминек03” (Польша)
“Вальмиера” (Латвия)

В гурухи
“Локомотив 2” (Ўзбекистон)
“Ника” (Латвия)
“Бабите” (Латвия)
“Биалисток-1” (Латвия)
“Албертс” (Латвия)

“Локомотив 1” дастлабки ўйинни “Лиепая 1” (Латвия) жамоасига қарши ўтказса, “Локомотив 2” жамоаси “Биалисток-1” (Латвия) клуби билан майдонга тушади.

Ёш “темирйўлчилар” ушбу мусобақада омад тилаймиз.