Аргентина терма жамоасининг янги бош мураббийи Эдгардо Бауса «Барселона» ҳужумчиси Лионель Мессини қайтишини жуда истамоқда.
«Месси терма жамоа учун жуда муҳим футболчи. Биз ундан воз кеча олмаймиз. У билан гаплашиб оламиз. Кўрамиз, балки у ўз қарорини ўзгартирар. Жамоадошлари ҳам у билан гаплашиб олишлари керак. Ахир гап терма жамоа сардори ва дунёнинг энг яхши футболчиси ҳақида кетяпти» - деди Бауса Clarín хабарида.
Эслатиб ўтамиз, Месси Америка кубоги-2016 финалидан сўнг терма жамоадаги фаолиятини якунлагани ҳақида эълон қилган эди.
