Тошкентдаги «Жар» стадионида 19 ёшгача бўлган футболчилардан тузилган терма жамоалар ўртасида Марказий Осиё Футбол Ассоциацияси кубоги (CAFA Cup-2016) турнири старт олди.
Куннинг иккинчи ўйинида Ўзбекистоннинг 1-жамоаси туркманистонлик ёшларга ҳеч қандай имконият бермасдан, йирик ҳисобда ғалаба қозонишди.
Учрашувнинг дастлабки бўлими голсиз якунланган бўлсада, Ўзбекистон ёшлар терма жамоасининг тўлиқ устунлиги остида кечди. Яратилган кўплаб хзавфли вазиятларни голга айлантириш борасида иккинчи бўлим анча муваффақиятлироқ бўлди.
Дастлаб, ўйиннинг 64-дақиқасида Шороф Муҳиддинов узоқ масофадан кучли аниқ зарба йўллаб, ҳисобни очди. Орадан бир дақиқа ўтиб, яна хувфли ҳужум ташкил қилган ўзбекистонликлар иккинчи голни ҳам киритди. Достон Ибрагимовнинг қанотдан рақиб жарима майдони ичига етказиб берган тўпи, туркманистонлик ҳимоячи — Бекмурад Арбатовнинг оёғига тегиб, дарвозадан жой олди.
Учрашув асосий вақти якунланишига беш дақиқа қолганида Нурилло Тўхтасинов учинчи голни киритиб, Ўзбекистоннинг йирик ғалабасини таъминлади.
CAFA CUP-2016.
Ўзбекистон-1 - Туркманистон 3:0
Голлар: Шароф Муҳитдинов (63), Бекмурат Арбатов (65, автогол) Нурилло Тўхтасинов (85)
Амалга оширилмаган пенальти: Сухроб Нуруллаев 79
Ўзбекистон-1: Умид Ҳамроев, Ислом Қобилов, Хожиакбар Алижонов, Хушнуд Авилов, Азиз Ғаниев, Саиджамол Давлатжонов, Шароф Муҳитдинов, Ойбек Рустамов, Достон Ибрагимов, Бекзод Ғанижонов, Нурилло Тўхтасинов.
Захира: Жасур Яхшибоев, Бобир Абдиҳолиқов, Ҳусниддин Ғофуров, Шоҳруҳ Раимов, Сухроб Нуруллаев.
Туркманистон: Давлетяр Бердиев, Бекмурат Арбатов, Ровшан Худайгулиев, Шарада Бяшинов, Исламбек Байрамов, Сапармамедов, Бегмурат Байов, Ресул Хожаев, Михаил Титов, Гурбанов Ахамамедов.
Захира: Дидар Атаев, Ровшан Халмаммедов, Байрамхан Кадиров, Кирил Баллаков.
