Ёшлар лигасининг ўтган турида “Пахтакор”дан мағлуб бўлган “Андижон” ўринбосарлари бу сафар Тошкентнинг бошқа бир жамоаси “Локомотив” билан тўқнаш келди.

Гарчи сафарда ўйнашларига қарамай йигитларимиз майдонда борини бериб харакат қилди ва керакли уч очкони қўлга киритди. Учрашувнинг 17-дақиқаси ўтиб бораётганида вакилларимиз биринчи бўлиб ҳисобни очишга эришди. Бахтиёр Қосимов жарима зарбасини қойилмақом тарзда бажарди. “Локомотив” посбони Рустам Нортожиев зарбани қайтаришга ожиз эди.

Голдан сўнг мезбонлар ҳам мувозанатни тиклаш учун астойдил олдинга ўтишган бўлсада, ҳимоячиларимиз бехато харакат қилиб, ўз вақтида хавфларни бартараф этиб борди.

Учрашувда бошқа гол кузатилмади ва шу тариқа ёшларимиз сафардан ғалаба билан қайтадиган бўлди. Айтиш керакки, айни дамда “Андижон” ўринбосарлар жамоаси турнир жадвалида 3-ўринни банд этиб турибди. Энди кейинги турда “Қўқон-1912″ни қабул қиламиз.

Ёшлар лигаси, 17-тур
7 август, якшанба

“Локомотив” – “Андижон” 0:1
Гол: Бахтиёр Қосимов, 17.

“Локомотив”: 96. Рустам Нортожиев, 7. Қувондиқ Рўзиев, 10. Бобурбек Тиллабоев, 17. Евгений Танаев, 20. Фарруҳ Иброҳимов (С), 22. Улуғбек Абдуллаев, 24. Бобур Юлдашев, 68. Сергей Прохоров, 70. Бобур Эргашев, 87. Ҳаёт Раҳимжонов, 99. Ҳумоюн Аъзамов.

Захира: 25. Сарвар Каримов, 8. Жаҳонгир Сафаров, 11. Бек Абдуллаев, 21. Алишер Шералиев, 28. Рустам Ҳазратқулов, 36. Азизбек Омонов, 97. Лазарь Адамов.

“Андижон”: 50. Баракатулло Исроилов, 4. Дилмурод Маҳмудов (С), 6. Шохжаҳон Ҳасанов, 7. Шохруҳ Эргашев, 8. Бахтиёр Қосимов, 17. Тимур Васильев, 18. Хондамир Юлдашев, 45. Артур Маматказин, 55. Вячеслав Пурак, 67. Шояд Муллажонов, 70. Солоҳиддин Солоҳиддинов.

Захира: 16. Даврон Жўрақулов, 11. Озод Комилов, 20. Элдор Жонибеков, 28. Фарруҳ Мирзаев, 33. Бобур Ўришев.