“Металлург” – “Машъал” учрашувидан кейин мезбон жамоа бошлиғи Шавкат Саидов ўйин ҳақидаги фикрларини билдирди.   Шавкат Саидов, “Металлург” ФК жамоа бошлиғи:- Олдинги турда Жиззахда дуранг ўйнаганимиздан кейин мураббийлар штабининг барча ўйинчиларга эътирозлари бўлди. Кимлардир жиддий танқид остига олинди. Баъзи чизиқларда ўзгаришлар қилинди. Бир сўз билан айтганда “Машъал”га қарши ўйинга пухта тайёргарлик кўрдик. Ғалаба қозонишимизга қайсидир маънода ишонгандик. Лекин ҳисобнинг бу тариқа йирик бўлишини тўғриси кутмагандим. Бугун мураббийларнинг кўрсатмаларини бекаму кўст бажарган барча ўйинчиларимизга раҳмат айтмоқчиман. Давра бошида руҳиятн кўтариб олиш учун ғалаба жуда зарур эди. бунги эришдик. Аммо тўхтаб қолиш ниятимиз йўқ. Бу даврада ҳам ишқибозларимизни хурсанд этишда давом этамиз. Ўйинлар осон бўлмайди. Аммо мана шу жанговор кайфиятни сақлаб қолсак биз албатта ўз мақсадимизга эришамиз, дейди Шавкат Саидов.