Аргентина терма жамоаси бош мураббийи Эдгардо Бауса ҳужумчи Лионель Месси билан бўлажак учрашуви ҳақида маълумот берди.
«Мен одамларни ўз фикримга оғдиришни ёқтирмайман, хусусан Мессини ҳам терма жамоага қайтишга мажбурламайман. Мен суҳбатлашиб олишни маъқул кўраман, бунинг натижаси яхши бўлишига аминман. Мессини ҳиссиётларини тушуниб турибман, ўзим ҳам ЖЧ-1990 финалида мағлуб бўлганман. Месси менга рад жавобини бериб, терма жамоага қайтишдан бош тортиши ҳам мумкин, чунки у ҳиссиётларга берилувчан. Росарио халқи шунақа» , - деди Бауса Marca хабарида.
