«Манчестер Сити» клуби яримҳимоячиси Яҳё Туренинг агенти Дмитрий Селюк Поль Погбанинг трансфери ҳақида ўз фикрларини баён этди.
«Погба бу пулга лойиқ эмас. Агар Погба 110 млн бўлса, унда Яҳё Туре — 200 млн! Тўғри, у яхши футболчи, бироқ уни сотишда реклама ўз сўзини айтди, ё «Барса», ё «Реал» унга қизиқмоқда деган хабарлар қўл келди. Унутманглар, А сериядан ўтган футболчилар камдан-кам ҳолларда Англияда ўйнаб кета олишади. Балотелли ҳам катта пулга Англияга келган эди. У ҳозир қаерда?
Бир пайтлар Фергюсон Погбанинг ўйинидан безиб, уни деярли бепул қўйиб юборганди. Балки у тўғри қилгандир, кўрамиз.
Бироқ Моуриньога тан бераман, у катта футболчилар билан ишлашни билади. Ундан қўрқадиган мураббийлар ҳам бор» - деди Селюк «Сегодня» газетаси хабарида.
